Керла Могӏа

Дешдакъош лардар

Дош дехьадоккхуш дешдакъош хадо ца мега. Лахара бакъенашкахь цӏен бос болу дакъош хедо ца мега.

Цхьа дешдакъа

Дош цхьана дешдекъах бен лаьтташ дацахь, иза хадо мегар дац.

Цхьа аба

Керла могӏане дехьаволуш цхьа аба бен бахначу могӏанехь дуьсуш дацахь, и дош декъа ца мега.

Дешхьалхе

Дешхьалхе цхьана дешдекъах бен лаьтташ йацахь, и бахначу могӏанехь йита мегар дац.

Ткъа и цхьаннал сов дешдекъех лаьтташ йелахь, цуьнан дакъош бахначу могӏанехь дита мегар ду.

Шала мукъазнаш

Дашна йуккъахь шала мукъаза эшарш делахь, уьш декъа магадо.

Шалха шала мукъазнаш

Дашна йуккъахь шалха шала мукъаза эшарш «ххь», «ггӏ», «ххӏ», «ккх», «ттӏ», «ццӏ» и. дӏ. кх. делахь, шина кепара кхатта аьтту бу.

Шалха, кӏеда мукъа эшарш

Дехьадоккхуш шалха мукъа эшаршший «ай», «ой», «ие», «иэ», «уо» и. дӏ. кх, йуха кӏеда мукъа эшаршший «аь», «оь», «уь» декъа ца мега.

Дакъалгаш

Чеккхенгахь зил хьакхарца тӏетоьхна йолу дакъалгаш шаьш дехьайаха ца мега.

Чӏогӏаниг

Мукъазий, мукъий эшарш вовшех дӏауьйш ца хилар гойтуш йуккъе хӏутту чӏогӏаниг «ъ» шена хьалха лаьттачу абанах къасто ца мега.

Дацдарш

Дацдарш декъа мегаш дац.

Хьалхара абанаш а дохкуш, царна тӏехьа тӏадамаш а дохкуш кхоьллина дацдарш декъа ца мега.

Доларцӏерш (цӏе, цӏийнцӏе, децӏе) йацйина йелахь, уьш шаьш дехьайаха ца мега.

Дагардош

Дагардешнашна тӏехьа хӏуьтту дацдарш шайна хьалха лаьтта дагардашах къасто ца мега.

Дагардашна тӏекхета чеккхе «чу» ша дехьайаккха ца мега.

Дагардашна тӏекхета чеккхе «гӏа» ша дехьайаккха ца мега.

Дош

Къовларшна йуккъахь долу дашна тӏекхетта чеккхе «ин», «на», «о», «ца», «х», «е», «ал» ша дехьайаккха ца мега.