Кхотӏадам

…

Кхотӏадам [qu̯ɐt'ədəm] буьллу меттигаш:

I.

Дуьйцург, дагалер йукъардаьлла, кхечунна тӏевалар йа сацор.

• Цӏахь хаза дара… Хӏа-а, хьо вахарий деша.
• Со хӏара жайна доьшуш ву… Цӏа веарий хьан да?
• Хӏинца со цига ваха веза… дӏайаккхахьа кӏордийна суна!
• Ас хӏун дирий… (дуьцучера сеци хӏара)

II.

Дуьйцуш верг сацар, ша кхидӏа дийцале.

• Цига… цига вахарий хьо?
• Суна-м ца хаьа… хӏун дан деза!
• Ахь… элирий цуьнга?
• Ма лела хууш вара и кӏант… галвели-кх и!
• Хӏа-а… и-м ца хаьа!

III.

Лем (цитат) балош, ца далийна дакъа дуй гойтуш. Ца далийна декъан метта кхотӏадам буьллу. Кхотӏадам билларца ахь гойту, айха цуьнан алар ма-дду ца далийний, ца далийна дакъа хӏундаллехь кхетам хийцабала а тарлой.

• «… алам…» — аьлларг
• «алам…» — аьлларг
• «… алам» — аьлларг

Дуккха а аламаш ца балийнехь, ира къовларш йуккъехь хила беза кхотӏадам:

• «<…> алам <…>» — аьлларг
• «алам <…>» — аьлларг
• «алам <…>» — аьлларг

IV.

Цхьанна дагар тӏера, шолгӏачунна тӏекхаччалц дерг гойтуш:

• 1…10
• 5…15
• 20…40
• 50…100

Тӏеалар: Кхотӏадам дашна тӏехьа буьллуш хилахь, цунна тӏелетта хила беза: «дош…». Хаттармохкана йа айдармохкана тӏехьа буьллуш белахь ши а бен ма билла: «алам?..», «алам!..». Кхотӏадамна тӏехьа цӏоьмалг йилла йезахь, и ма йилла: «алам …(,) алам» > «алам … алам».